د تېرې یوې میاشتې په اوږدو کې په ۱۱ ولایتونو کې د څه باندې ۶۵ زره ۲۲۹ جریبه امارتي ځمکې استرداد
د ځمکو له غصب څخه د مخنیوي تخنیکي هیئتونو د ۱۴۴۶ هجري قمري کال د جمادي الثاني د میاشتې په اوږدو کې په کندز، جوزجان، تخار، غزني، غور، پکتيا، خوست، زابل، ميدان وردګ، باميان او پنجشیر ولایتونو کې څه باندې پنځهشپېته زره دوهسوه نههویشت (۶۵۲۲۹) جریبه امارتي ځمکه له بررسۍ او تثبیت څخه وروسته، استرداد کړې او اړوندو ادارو ته یې تسلیم کړې.
د تېرې یوې میاشتې په ترڅ کې تر ټولو زیاته استرداد شوې ځمکه په غزني ولایت کې موقعیت لري چې ديارلسزره دوهسوه پنځهاتيا (۱۳۲۸۵) جریبه ځمکه پهکې شامله ده.
دغه راز د ځمکو له غصب څخه د مخنیوي تخنیکي هیئتونو د یادې میاشتې په اوږدو کې څه باندې یوسلو شپږ څلوېښت زره اووهسوه درينوي (۱۴۶۷۹۳) جریبه امارتي ځمکه د افغانستان په ۱۸ ولایتونو کې تثبیت کړې او څه باندې څلور سوه دريشپېته زره دوهسوه پنځه (۴۶۳۲۰۵) جریبه نوره ځمکه هم په ۲۹ ولایتونو کې تر بررسۍ لاندې نیولې ده.
د امارتي ځمکو د بررسۍ، تثبیت او استرداد بهیر په ټولو ولایتونو کې دوام لري او د غصب شویو زرګونو جریبو امارتي ځمکو دوسیې، د ځمکو له غصب څخه د مخنیوي کمېسیون او په ولایتونو کې د یاد کمېسیون د تخنیکي هیئتونو تر بررسۍ لاندې دي.
