د بدخشان ولایت د عدلیې ریاست کارکوونکو لپاره د زده کړه ییزې برنامې پای ته رسېدل
د عدلیې وزارت د بشري سرچینو ریاست له لورې د بدخشان ولایت د عدلیې ریاست کارکوونکو لپاره د «مسلکي او اداري زده کړې» تر سرلیک لاندې، شپږ ورځنۍ زده کړه ییزه برنامه چې د یاد ریاست په مقر کې د ربیع الثاني د مياشتې په ۳۰ مه نېټه پيل شوې وه د جمادي الاول د مياشتې په ۵ مه نېټه د پنجشنبې په ورځ پای ته ورسېده.
د يادې زده کړييزې برنامې په ترڅ کې چې د بدخشان ولايت د عدليې رياست ۲۸ مسلکي کارکوونکو ګډون درلود، د دعویٰ لیکنې، دفاعیې لیکنې، راپور او مکتوب لیکنې د څرنګوالي او د مفاهمې او اړیکو مدیریت په اړه زده کړې ورکړل شوې.
د عدلیې وزارت د بشري سرچینو ریاست د کارکوونکو د ظرفیت لوړولو په موخه په منظم ډول زده کړه ییزې برنامې جوړوي ترڅو خلکو لپاره د خدمتونو وړاندې کولو د لاپیاوړتیا لامل شي.
