د بامیان ولایت د ځمکو د غصب د مخنیوي د تخنیکي هیئت ناسته جوړه شوه
د بامیان ولایت د ځمکو د غصب د مخنیوي د تخنیکي هیئت ناسته ددغه هیئت د رئیس او غړو په حضور سره جوړه شوه او د ځینو مهمو موضوعاتو په اړه په کې بحث او خبرې وشوې.
په دغې ناسته کې د جرخشک ساحوي هیئت په ساحه کې د خپل کار د پرمختګ راپور وړاندې کړ او پریکړه وشوه چې په دغې ساحه کې د هیئت پاتي کار تر راتلونکې یوې اوونۍ بشپړ شي.
هیئت د نیک اژدر ښارګوټي په اړه هم بحث وکړ او پریکړه یې وکړه چې د هیئت تصمیم نیول د ښارګوټي د مسوولینو لخوا د استعلامونو د ځوابیو ترلاسه کولو پورې وځنډول شي.
د ملا غلام ښارګوټي او د نویو معلوماتو پر مبنی چې د ښارګوټي شاوخوا او د کروکي له محدودې څخه بهر ځمکې پلورل شوي دي، پریکړه وشوه چې راتلونکو ورځو کې د پلورل شویو ځمکو ټول مشخصات ترتیب شي.
په یاده شوې ناسته کې د اتفاق ښارګوټي او د یو شمېر اشخاصو او افرادو د یو لړ عریضو په اړه هم بحث وشو او لازم تصمیمونه ونیول شول.
