د بادغیس ولایت د عدلیې ریاست نوې ودانۍ پرانستل شوه.
د بادغیس ولایت د عدليې ریاست نوی ودانۍ چې دوه کاله وړاندې بنسټ يې ایښودل شوی وو، تیره ورځ رسمآ د دغه ولایت د محلي مقاماتو په واسطه پرانستل او ګټه اخیستنه ترې وشوه.
د دې ودانۍ کار په ۲۰۱۷ میلادي کال د نومبر په میاشت کې د عدليې وزارت د رهبري په هلو ځلو، د بادغیس ولایت مقام، د بادغیس ولایت د عدليې ریاست د دغه ولایت د ولایتي شورا د وکلاوو په ملاتړ پیل شو. دغه پروژه ۱۹ میلیونه افغانۍ هزینه لري چې د افغانستان اسلامي جمهوریت د انکشافي بودیجې څخه تمویل شوې ده.
د بادغیس ولایت د عدليې ریاست د نوی ودانۍ کار سږ کال د نوامبر په میاشت کې تکمیل او تېره ورځ (یکشنبه د لړم ۱۲) د دغه ولایت د محلي مقاماتو په واسطه پرانستل شو. دغه ودانۍ له زیر بنا سره په ۳۰۰ متر مربع کې په دوه پوړونو جوړه شوې ده.
