د افغانستان اسلامي جمهوریت د عدليې وزیر ښاغلي ډاکټر عبدالبصیرانور، د حقوقو د پراختیا د نړېوال سازمان له رئیس ښاغلي کالن واس سره وکتل.
په دې کتنه کې، ښاغلي کالن واس د مسلکي ودې پرمختیايې ملاتړ برنامو (CPDS) ته لنډه کتنه وړاندې او د عدليې له وزارت سره ددې سازمان د دوامدارو همکاریو ژمنه وکړه.
له بلې خوا، د عدليې ښاغلي وزیر د یاد شوو برنامو په هکله خپل نظریات او وړاندیزونه وړاندې کړ او له عدليې وزارت سره د نړېوالو حقوقو د پرمختیايې سازمان د لازیاتو همکاریو او د دې وزارت د حقوقي مساعدتونو په برخه کې د ښوونیزو برنامو په لاره اچونې غوښتونکی شو.
په دغه کتنه کې دواړه خواوې، همدارنګه د نوو برنامو له مخې (په افغانستان کې د عدلي او قضايې سکتور باندې د نا امنیو د اغیزو په کموالي) هم خبرې او د نظر تبادله يې وکړې.
