په ميدان وردګ ولایت کې د کابو ۱۷ زره جریبه ځمکې بررسي کېدل
د ميدان وردګ ولایت د ځمکو د غصب د مخنيوي تخنيکي هيئت ناسته، د ربیع الاول د مياشتې په ۲۶ مه نېټه د یکشنبې په ورځ، د یاد هيئت د رئيس او غړو په ګډون ترسره شوه.
د تخنيکي هيئت په دې ناسته کې، د مرکز بهسود ولسوالۍ اړوند په سفيد دیوار او هفت نو دښتو کې د کابو اوه لس زره (۱۷۰۰۰) جریبه غصب شوې ځمکې دوسیه د بحث او بررسي لاندې ونيول شوه او پرېکړه وشوه چې د یادې ځمکې دوسیه د بشپړه او د وروستۍ پرېکړې په موخه دې مرکزي کمېسيون ته واستول شي.
همداراز، د تخنيکي هيئت په دې ناسته کې د ميدان وردګ ولایت په بېلابېلو ساحو کې د ځمکو د غصب اړوند یو شمېر نورې دوسیې هم بررسي شوې او په اړه یې لازمې پرېکړې وشوې.
