د ننګرهار عدلیې رياست او د مدافع وکیلانو ترمنځ د همغږۍ ناسته ترسره شوه

barekzai_admin
سه‌شنبه ۱۴۰۴/۴/۱۷ - ۱۴:۳۶
.

 د ننګرهار زون د مدافع وکيلانو آمریت د محرم الحرام د مياشت په ۹مه نېټه د شنبې په ورځ، د ننګرهار ولایت له یو شمېر مدافع وکیلانو سره د  عدلیې ریاست په مقر کې د همغږۍ ناسته ترسره کړه.
په دې ناسته کې د مدافع وکیلانو آمریت د ۱۴۴۶ هجري قمري کال په اوږدو کې د خپلو فعالیتونو او لاسته راوړنو په هکله معلومات وړاندې کړل چې پر بنسټ یې په تېر یوه کال کې په منظمه توګه له ۷۵ دارالوکالو څخه نظارت ترسره شوی او په ترڅ کې یې د غيرقانوني فعاليتونو مخه نيول شوې ده.
همدارنګه په دې همدې موده کې د مدافع وکیلانو ستونزې اورېدل شوي او پر وخت ورته رسېدنه شوې، د وکیلانو او د هغوی د مؤکلینو ترمنځ یو شمېر حقوقي شخړې حل شوي او د همغږۍ د پیاوړتیا لپاره بېلابېلې لارې چارې طرحه او عملي شوي دي.
دغه راز په دې ناسته کې مسؤولینو د هغو نیمګړتیاوو یادونه هم وکړه چې، د دارالوکالو په چارو کې تر سترګو شوي او د یادو دارالوکالو له متصدیانو څخه یې وغوښتل چې د اصلاح په موخه یې لازم اقدامات ترسره کړي.
همداراز، د عدلیې ریاست مسؤولینو له مدافع وکیلانو وغوښتل چې د خپلو مؤکلینو له حقوقو څخه په مؤثره او مسلکي توګه دفاع وکړي او له هر ډول غیر قانوني او غیر مسلکي چلند څخه ځانونه وساتي.
په یاده ناسته کې مدافع وکیلانو هم خپلې ستونزې، وړاندیزونه او نظرونه له مسؤلینو سره شریک کړل چې د حل په موخه یې د لازمې همکارۍ ژمنه ورکړل شوه.

تازه خبرونه

پنجشنبه ۱۴۰۴/۶/۶ - ۱۲:۵۶
Background image

د ځمکو له غصب څخه د مخنیوي او د غصب شویو ځمکو د استرداد کمېسیون د رهبرۍ ناسته جوړیدل

 د ځمکو له غصب څخه د مخنیوي کمېسیون رهبرۍ د عدلیې وزیر، د کمېسیون رئیس او  د اراضۍ او د امارتي ځمکو د استرداد وزارت وارسي کوونکي محترم شیخ الحدیث مولوي عبدالحکیم شرعي په مشرۍ د یوې. . .

چهارشنبه ۱۴۰۴/۶/۵ - ۱۴:۴۴
Background image

په نیمروز ولایت کې د معاملاتو لارښوونې له ۸ دفترونو څخه نظارت ترسره شو

 د نيمروز ولایت د عدلیې رياست نظارتي پلاوي، د صفرالمظفر د مياشتې په ۲۶ مه نېټه د چهارشنبې په ورځ د دغه ولايت په دلارام ولسوالۍ کې د معاملاتو لارښوونې له ۸ دفترونو څخه نظارت ترسره کړ او. . .

چهارشنبه ۱۴۰۴/۶/۵ - ۱۴:۳۱
Background image

د ننګرهار عدليې رئيس د معاملاتو لارښوونې د اتحادیې پر مسؤولینو ټینګار وکړ چې له اضافي پیسو اخیستلو څخه ډډه کړي

 د ننګرهار ولایت د عدليې رئیس مولوي محمد رئیس محمدي  د دغه ولایت د معاملاتو لارښوونې اتحادیې مسؤولینو او د جلال‌آباد ښار د نهه‌ګونو ناحیو د معاملاتو لارښوونې دفترونو استازو سره د همغږۍ. . .

BACK TO NEWS