په نیمروز ولایت کې د عریضهلیکونکو د مسلکي ظرفیت لوړولو لپاره زدهکړیزه برنامه جوړه شوه
د نیمروز ولایت د عدلیې ریاست د یاد ولایت د استیناف محکمې په ملتیا د نیمروز ولایت شاوخوا ۵۰ تنو عریضهلیکونکو ته د عریضهلیکنې د اصولو تر عنوان لاندې زدهکړییزه برنامه جوړه کړه.
ياده برنامه د جمادیالثانی د مياشتې په ۱۱مه نېټه د سه شنبې په ورځ د عدلیې رئيس مولوي عبدالوارث خليل، د استيناف محکمې رئیس مفتي سيد احمد معتصمي او د نیمروز ولایت د مقام استازو په ګډون جوړه شوه.
د نیمروز عدلیې رئیس دیادې برنامې په پرانیسته کې په خپله وینا کې وویل چې د دغې برنامې په ترڅ کې عريضه ليکونکو ته د عريضه لېکنې اصول، د عريضه ليکونکو د علمي ظرفيت لوړول او یو شمېر نورو اړينو موضوعاتو په اړه زده کړې ورکول کېږي.
د یادونې وړ ده چې د نیمروز د عدلیې رياست په اړوندو برخو کې خلکو ته استانتياوو رامنځته کولو په موخه وخت په وخت عريضه ليکونو ته زده کړییزې برنامې ترسره کوي.
