په غزني ولایت کې ۵ دارالوکالې د غیر قانوني فعاليت له امله وتړل شوې
د غزني ولایت عدلیې رياست نظارتي پلاوي د جمادیالأولی د میاشتې په ۲۴مه نېټه د شنبې په ورځ، په یاد ولایت کې له يو شمېر دارالوکالو څخه نظارت ترسره کړ او د هغو فعالیتونه یې بررسي کړل.
نظارتي پلاوي د دغه نظارت په ترڅ کې د یادو دارالوکالو دفترونه، جوازلیکونه، لوحې او نور سندونه بررسي کړل چې په ترڅ کې یې ۵ دارالوکالې د غير قانوني فعاليت له امله وتړل شوې.
نظارتي پلاوي د نورو دارالوکالو متصدیانو ته د خپلو ستونزو د حل کولو او د کاري چاري ښه پرمخ وړولو په موخه لازمې توصیې وکړې.
همدارنګه، د دغه نظارت په ترڅ کې نظارتي پلاوي د مدافع وکيلانو کاري ستونزې هم واورېدې او د حل په برخه کې یې هغوی ته د هر اړخیزې همکارۍ ډاډ ورکړ.
