په ننګرهار ولایت کې د معاملاتو لارښوونې له ۱۲ دفترونو څخه نظارت ترسره شو
د ننګرهار ولایت د عدليې ریاست نظارتي پلاوي، د ربیعالاول د مياشتې په ۲۰ مه نېټه د شنبې په ورځ د دغه ولایت مرکز جلالآباد ښار اړوند په درېيمه ناحیه کې د معاملاتو لارښوونې له ۱۲ دفترونو څخه نظارت ترسره کړ.
مؤظف نظارتي پلاوي د یادو دفترونو د فعالیت جوازونه، د ثبت کتابونه، د پېر او پلور قانونيتوب، رسمي سټې او یو شمېر نور اړين سندونه بررسي کړل چې په ترڅ کې یې یو دفتر د غيرقانوني فعاليت له امله وتاړه.
پلاوي د پاتې نورو دفترونو یو شمېر نيمګړتياوې او ستونزې مشخصې کړې او د یادو ستونزو د لرې کولو او د کاري چارو ښه پرمخ وړلو په موخه یې لازمې توصیې وکړې.
د عدلیې وزارت په مرکز او د عدلیې ریاستونه په ولایتونو کې په دوامداره توګه له اړوندو برخو څخه نظارت ترسره کوي تر څو د غیر قانوني فعالیتونو مخه ونیول شي.
