په کنړ ولایت کې له ۵ خيريه بنسټونو څخه نظارت ترسره شو
د کنړ ولایت د عدلیې رياست نظارتي پلاوي، د ربیعالاول د مياشتې په ۳مه نېټه د چهارشنبې په ورځ، د دغه ولایت په مرکز اسعدآباد ښار کې له ۵ خيريه بنسټونو څخه نظارت ترسره کړ او د هغو فعاليتونه یې بررسي کړل.
نظارتي پلاوي د دغه نظارت په ترڅ کې د یادو بنسټونو فعاليت جوازونه بررسي کړل.
همدارنګه په دې نظارت کې نظارتي پلاوي د یادو بنسټونو مسؤولينو څخه غوښتنه وکړه چې مرستې مستحقو کسانو ته ورکړي او له خلکو سره نيک چلند ترسره کړي.
دغه راز د خيريه بنسټونو مسؤولينو هم خپلې شته ستونزې شرېکې کړې چې د حل په برخه کې ډاډ ورکړل شو.
