په پکتیا ولایت کې د غير قانوني فعالیت له امله ۵ موټر پلورنځي وتړل شول
د پکتیا ولایت د عدليې ریاست نظارتي پلاوي، د صفرالمظفر د مياشتې په ۵مه نېټه د چهارشنبې په ورځ، د دغه ولایت په څمکنۍ ولسوالۍ کې له یو شمېر موټر پلورنځیو څخه نظارت ترسره کړ.
مؤظف نظارتي پلاوي د دغو موټرپلورنځیو د فعالیت جوازونه، د ثبت کتابونه، د پېر او پلور قانونيتوب، رسمي سټې او یو شمېر نور اړين اسناد بررسي کړل.
مؤظف پلاوي د یاد نظارت پر مهال ۵ موټر پلورنځي چې له قانوني جواز پرته یې فعالیت ترسره کاوه وتړل او د پاتې نورو موټرپلورنځیو متصديانو ته یې د موجودو نيمګړتياوو د لرې کولو او د کاري چارو ښه پرمخ وړلو په موخه لازمې توصیې وکړې.
د عدلیې وزارت په مرکز او د عدلیې ریاستونه په ولایتونو کې په دوامداره توګه له اړوندو برخو څخه نظارت ترسره کوي تر څو د غیر قانوني فعالیتونو مخه ونیول شي.
