د هرات د عدلیې رئیس له بېرته راستنېدونکو کډوالو سره د خیریه بنسټونو پر جدي همکاریو ټینګار وکړ

barekzai_admin
پنجشنبه ۱۴۰۴/۴/۱۲ - ۱۱:۲۹
.

 د هرات ولایت د عدلیې رئیس، مولوي یار محمد جانان خادمی، د محرم الحرام د میاشتې په ۳ مه نېټه د یکشنبې په ورځ، د عدلیې ریاست په مقر کې د دغه ولایت د خيريه بنسټونو له یو شمېر مسؤولينو سره د همغږۍ ناسته جوړه کړه.
په دې ناسته کې د عدلیې رئیس له بېرته راستنېدونکو کډوالو سره د خیریه بنسټونو د مرستو ارزښت ته اشاره وکړه او ویې ویل چې په دې وروستیو کې ګڼ شمېر هېوادوال له اوږدې مودې کډوالۍ وروسته هېواد ته راستانه شوي دي. نوموړي ټینګار وکړ چې دغه کډوال د استوګنې، معیشت او د ژوند  نورو لومړنیو اړتیاوو له اړخه عاجلو مرستو ته اړتیا لري او خیریه بنسټونه کولای شي چې په دې برخه کې مهم او اغېزناک رول ولوبوي.
د عدلیې رئيس همدارنګه ټینګار وکړ چې خيریه مرستې باید په شفاف، عادلانه ډول او پر اړمنو کسانو وويشل شي او په دې برخه کې دې خيريه بنسټونه له عدلیې رياست سره لازمې همغږۍ ته ژمن اوسي.
په ورته مهال په دې ناسته کې د خيريه بنسټونو مسؤولینو ډاډ څرګند کړ چې له بېرته راستنېدونکو کډوالو سره به هر ډول مرستې او همکارۍ ترسره کړي.

تازه خبرونه

چهارشنبه ۱۴۰۴/۵/۸ - ۱۵:۱۱
Background image

د نیمروز ولایت د عدلیې ریاست اداري ناسته جوړیدل

 د نیمروز د عدلیې ریاست اداري ناسته دصفر‌المظفر د مياشتې په ۳ مه نېټه د دوشنبې په ورځ د عدليې رئیس، مولوي عبدالوارث خلیل په مشرۍ او د یاد ریاست د آمرینو او کارکوونکو په ګډون سره جوړه. . .

چهارشنبه ۱۴۰۴/۵/۸ - ۱۵:۷
Background image

په ننګرهار ولایت د یو شمېر اتحاديو له دفترونو څخه نظارت ترسره شو

 د ننګرهار ولایت د عدلیې ریاست نظارتي پلاوي د صفر‌المظفر د میاشتې په ۳مه نېټه د دوشنبې په ورځ، د دغه ولایت په مرکز جلال‌آباد ښار کې د یو شمېر اتحاديو له دفترونو څخه نظارت ترسره کړ او د. . .

چهارشنبه ۱۴۰۴/۵/۸ - ۱۵:۱
Background image

په ننګرهار ولایت کې د معاملاتو لارښوونې او موټر پلورنځيو له ۱۳ دفترونو څخه نظارت ترسره شو

 د ننګرهار ولایت د عدليې ریاست نظارتي پلاوي، د صفر‌المظفر د مياشتې په ۴مه نېټه د سه‌شنبې په ورځ، د دغه ولایت د غني خيلو ولسوالۍ اړوند په مارکو بازار کې د معاملاتو لارښوونې او موټر. . .

BACK TO NEWS