په بلخ ولایت کې ۲۲۷ جریبه امارتي ځمکه تشخيص شوه
د بلخ ولایت د ځمکو له غصب څخه د مخنیوي تخنیکي هیئت د ذیالقعدې میاشتې په ۲۷ مه نېټه د یکشنبې په ورځ، د یوې ناستې په ترڅ کې د مزارشریف ښار په لسمه ناحیه کې د دوه سوه اووه ويشت (۲۲۷) جریبه ځمکې دوسیه تر بحث او بررسۍ لاندې ونیوله.
په دې ناسته کې، یاده ځمکه امارتي تشخیص شوه او هیئت پرېکړه وکړه چې د یادې ځمکې دوسیه دې د وروستۍ پرېکړې لپاره مرکزي کمېسیون ته واستول شي.
همداراز، په دې ناسته کې د بلخ ولایت په کچه د ځمکو د غصب اړوند یو شمېر نورې دوسیې هم بررسي شوې او په تړاو یې لازم تصامیم ونیول شول.
