له راستنېدونکو کډوالو سره د معاملاتو لارښوونې د دفترونو پر جدي همکارۍ د پکتیا د عدلیې رئیس ټینګار
د پکتیا ولایت د عدلیې رياست او د یاد ولایت د معاملاتو لارښوونې د یو شمېر استازو تر منځ د همغږۍ ناسته د شوال د مياشتې په ۱۶ مه نېټه د دوشنبې په ورځ د عدلیې ریاست په مقر کې جوړه شوه.
په دې ناسته کې چې د عدلیې رياست نورو مسؤولينو هم ګډون درلود د عدلیې رئيس مولوي فاتح الله فاتح د معاملاتو لارښوونې استازو ته په خپلو خبرو کې ټينګار وکړ چې له نويو راستنېدونکو کډوال سره د استوګنځیو د موندلو د کورونو د کرایې په برخه کې لازمه همکاري وکړي او د جایدادونو مالکین دې وهڅوي، ترڅو له دغو کورنیو سره مرستې وکړي.
په ورته مهال، په ياده ناسته کې د معاملاتو لارښوونې استازو ډاډ ورکړ چې له راستنېدونکو کډوالو سره په هره برخه کې همکاري وکړي او خپل ټول فعاليتونو په د اسلامي امارت د قوانينو او اصولو په رڼا کې ترسره کړي.
