د لغمان ولایت د عدلیې رئيس د دولت شاه ولسوالۍ له مسؤولينو سره وکتل
د لغمان ولايت د عدلیې رئيس مولوي عبدالستار حماس او له هغه سره مل پلاوي، د یاد ولایت دولت شاه ولسوالۍ ته سفر وکړ او د یادې ولسوالۍ له ولسوال عبدالشکور صبور او نورو سیمه ییزو مسؤولينو سره وکتل.
د دې کتنې په ترڅ کې د لغمان ولایت د عدلیې رئيس د یو شمېر موضوعاتو په اړه خبرې وکړې او د دواړو ادارو ترمنځ یي په لا زیاتې همغږۍ ټينګار وکړ.
نوموړي د امارت د قضایاو د مدیریتونو، د حقوقي مساعدینو، مدافع وکیلانو، خیریه بنسټونو، د معاملاتو لارښوونې او عریضه لیکونکو په برخو کې ستونزې د یادۍ ولسوالۍ له ولسوال او سیمه ییزو مسؤولینو سره شریکې کړې چې هغوی د دغو ستونزو د لرې کولو ډاډ ورکړ.
همدارنګه په دې سفر کې د عدلیې رئيس د دولت شاه ولسوالۍ د امارت د قضاياو له عمومي مديریت څخه هم ليدنه وکړه، د هغوی ستونزې یې له نږدې واورېدې.
د عدلیې رئیس د یادې ولسوالۍ د امارت د قضاياو عمومي مديريت ستونزو ته د رسيدګي په برخه کې ډاډ ورکړ او زياته یې کړه چې عدلیې رياست تل له دوی سره همکاري کوي.
