په ۹ ولایتونو کې د رسمي سندونو د ژباړې د تصدیق د نمایندګیو د فعالېدو په اړه د عدلیې وزارت خبرتیا
د افغانستان اسلامي امارت د عدلیې وزارت د قانون جوړونې او د علمي-حقوقي څېړنو د چارو د عمومي ریاست د تقنیني سندونو د ژباړي او رسمي سندونو د تصدیق ریاست، ګرانو هېوادوالو ته د اسانتیاوو د رامنځته کولو او د لاښه خدمت د ترسره کولو په موخه، له اړوندو ادارو سره په همغږۍ کې د رسمي سندونو د ژباړې د تصدیق مرکزي آمریت سربېره په (۹) ولایتونو (کندهار، هرات، بلخ، ننګرهار، بدخشان، خوست، نیمروز، کندز او پکتیا) کې د عدلیې ریاستونو په تشکیل کې، د رسمي سندونو د ژباړې د تصدیق رسمي نمایندهګۍ فعاله کړي دي، ترڅو د یادو ولایتونو او هغو ته د نږدې ولایتونو اوسېدونکي وکولای شي د رسمي سندونو د ژباړې د تصدیق او د خپلو ستونزو د حل لپاره دغو نمایندګیو ته مراجعه وکړي.
په همدې اساس له ټولو ګرانو هېوادوالو څخه غوښتنه کېږي چې د خپلو رسمي سندونو د ژباړې د تصدیق لپاره په خپل ولایت او یا په نږدې ولایتونو کې د یاد آمریت تر ټولو نږدې نمایندګۍ ته مراجعه وکړي.
