د ننګرهار د عدلیې ریاست او د امنيه قوماندانۍ مسؤولينو ترمنځ د همغږۍ ناسته جوړیدل
د ننګرهار ولایت د عدلیې ریاست او د یاد ولایت امنيه قومندانۍ مسؤولينو ترمنځ د همغږۍ ناسته د جمادی الأولی د مياشتې په ۱۰ مه نېټه د سه شنبې په ورځ، د عدلیې رئیس مولوي محمد رئیس محمدي او د دغه ولایت امنيه قوماندانۍ د حقوقو لوی مدير مولوي حبيب الرحمن وحدت په ګډون ترسره شوه.
په دې ناسته کې چې د عدلیې ریاست نورو مسؤولینو هم ګډون درلود د امنيه قوماندانۍ اړوند د حقوقو مدیريت او د عدلیې رياست د حقوقي مرستو او د مدافع وکيلانو آمریتونو د فعاليتونو، دندو او موخو په اړه معلومات وړاندې شول.
په یاده ناسته کې خلکو ته د خدمتونو وړاندې کولو د پیاوړتیا په موخه د دواړو ادارو ترمنځ پر دوامدارې همکارۍ او همغږۍ ټینګار وشو.
