د ننګرهار عدلیې او کرنې ریاستونو ترمنځ د هغمږۍ ناسته جوړیدل
د ننګرهار ولایت د عدلیې او کرنې ریاستونو د دواړو ریاستونو ترمنځ د همغږۍ او همکارۍ د لازیاتې پیاوړتیا په موخه د ربیع الثاني د میاشتې په ۱۹ نېټه د سهشنبې په ورځ یوه ناسته جوړه کړه.
دا ناسته د کرنې ریاست په مقر کې ترسره شوه او د ننګرهار عدلیې رئیس، مولوي محمد رئیس محمدي پهکې ولس ته د خدمتونو وړاندې کولو په موخه هر شخص ته د ورسپارل شويو مسؤولیتونو پر اجرا ټینګار وکړ.
نوموړي په دې ناسته کې د نورو امارتي ادارو د وکیل په عنوان د امارت د قضایاوو ادارې رول ته اشاره وکړه او د ننګرهار د کرنې ریاست له مسؤولینو څخه یې وغوښتل چې له یادې ادارې سره د همغږۍ په برخه کې زیاته پاملرنه وکړي ترڅو قضیې او موضوعات په محکمو کې په سمه توګه پرمخ یوړل شي.
دغه راز په دې ناسته کې د ننګرهار د کرنې رئیس، مولوي محمد ولي محسن خبرې وکړې او د مسؤولینو لهخوا په خپل وخت د مسؤولیتونو پر صادقانه اجرا او په چارو کې د الله تعالی پر حاضر بللو یې ټینګار وکړ.
د کرنې رئیس او د یاد ریاست نورو مسؤولینو هم په یاده ناسته کې له عدلیې ریاست او د امارت د قضایاوو له ادارې سره د هر ډول همکارۍ ډاډ ورکړ.
