په غور کې څه باندې ۴۲۲ جریبه ځمکه امارتي تثبیت شوه
د غور ولایت د ځمکو له غصب څخه د مخنیوي تخنیکي هیئت ناسته د ربیعالثاني د میاشتې په ۱۷مه نېټه د یکشنبې په ورځ د یاد هیئت د رئیس او غړو په ګډون ترسره شوه او په ترڅ کې یې څلورسوه او دوهویشت اعشاریه اووه (۴۲۲.۷) جریبه ځمکه، امارتي تثبیت شوه.
په دې ناسته کې د غور ولایت په ګلدره غلمین کې د څه باند درېسوه او یو اویا (۳۷۱) جریبه ځمکې او په بادګاه ساحه کې د یو پنځوس (۵۱) جریبه ځمکې دوسیې بحث او بررسۍ لاندې ونیول شوې.
تخنیکي هیئت د یادو دوسیو په بررسۍ سره دواړه قطعې ځمکې امارتي تثبیت کړې او پرېکړه یې وکړه چې دغه دوسیې دې د وروستۍ پرېکړې په موخه د ځمکو له غصب څخه د مخنیوي مرکزي کمېسیون ته واستول شي.
همدارنګه په یاده ناسته کې د ځمکو د غصب اړوند یو شمېر نورې دوسیې له دې جملې په غور ولایت کې وقفي ځمکې بررسي شوې او په اړه یې لازم تصامیم ونیول شول.
