په ننګرهار ولایت کې د خيریه بنسټونو یو شمېر دفترونه تر نظارت لاندې ونيول شول
د ننګرهار ولایت د عدلیې رياست نظارتي پلاوي، د ربیع الاول د مياشتې په ۱۲ مه نېټه د یکشنبې په ورځ د یاد ولایت په مرکز کې د خيريه بنسټونو یو شمېر دفترونو څخه نظارت ترسره کړ.
د دغه نظارت او بررسۍ په پایله کې، د خيريه بنسټ یو دفتر د غير قانوني فعالیتونو له کبله وتړل شو او د پاتې نورو، د خيريه بنسټونو دفترونو متصدیانو ته د شته نيمګړتياوې د اصلاح او د کاري چارو ښهوالي په موخه لازمې توصیې وشوې.
د ننګرهار ولایت، عدلیې رياست په دوامداره توګه په یاد ولایت کې د خيريه بنسټوتو له دفترونو څخه نظارت ترسره کوي تر څو د غير قانوني فعالیتونو مخنيوی وشي.
