د سرپل ولایت له والي سره د یاد ولایت د ځمکو له غصب څخه د مخنیوي تخنیکي هیئت کتنه
د سرپل ولایت د ځمکو د غصب د مخنیوي تخنیکي هیئت د قاري عبدالغني شريفي په مشرۍ د یاد ولایت له والي محمد ظریف مظفر سره د ولايت په مقام کې ناسته جوړه کړه.
دغه ناسته چې د ربیع الاول د مياشتې په ۷ مه نېټه د سه شنبې په ورځ، د لا زياتو همکاریو او همغږۍ په موخه جوړه شوه، په ترڅ کې یې تخنکي هيئت، د ځمکو له غصب څخه د مخنیوي او د غصب شويو ځمکو د استرداد کمېسيون او د دغه کمېسيون د فعاليتونو او لاسته راوړنو په اړه معلومات وړاندې کړل او همدارنګه، په اړوندو برخو کې د لازیاتو همکارۍ او همغږۍ غوښتنونکی شو.
د سرپل ولایت والي د دغه هیئت له هڅو او لاسته راوړنو قدرداني څرګنده کړه او د غصب شويو ځمکو د استرداد او تشخیص په برخه کې د هر ډول همکارۍ ډاډ ورکړ او له هغو څخه یې وغوښتل چې د خپلو چارو پرمخ وړلو کې له علماو، قومي مشرانو او محتسبينو سره مشورې وکړې او په سمه توګه یې مخته یوسي.
