په غزني ولایت کې د څه باندې ۷۴ زره جریبه امارتي ځمکې تثبیت
د غزني ولایت د ځمکو د غصب د مخنیوي تخنیکي هیئت د محرم الحرام د مياشتې په ۱۵ مه نېټه د یکشنبې په ورځ، د غصب شويو ساحو د بررسۍ او تثبیت په موخه د ياد ولایت اندړ او ده یک ولسوالیو ترمنځ د سلطان باغ او مشک آباد ساحو ته سفر وکړ.
د تخنيکي هيئت د دغه سفر په ترڅ کې په یادو ساحو کې ۷۴ زره او ۶۱۲ جریبه غصب شوې امارتي ځمکه تثبیت او تشخيص کړه او ځایي اوسيدونکو ته په هغو کې د هر ډول نوي تصرفاتو د مخنيوي لازمه توصیه وشوه.
همدارنګه تخنيکي هيئت له تشخيص او تثبيت څخه وروسته پرېکړه وکړه چې د یادو ځمکو معلومات بشپړ شي او دوسیې یې د لازمې پرېکړې په موخه مرکزي کمېسيون ته واستول شي.
