په ننګرهار ولایت کې د موټر سايکلونو ۱۵ پلورنځي وتړل شول
د ننګرهار ولایت د عدلیې رياست نظارتي پلاوي د محرم الحرام د مياشتې په ۳ مه نېټه د سه شنبې په ورځ د جلال آباد ښار په لومړۍ ناحیه کې د موټرسايکل له یو شمېر پلورنځيو څخه نظارت او بررسي ترسره کړ.
د يادې بررسۍ په ترڅ کې د موټر سايکلونو ۱۵ پلورنځۍ چې له قانوني جواز څخه پرته یې فعاليت ترسره کاوه، وتړل شوې او مالکانو ته یې د جواز اخیستو په اړه لازمه توصیه وشوه.
د یادونې وړ ده چې د له دې وړاندې هم د یادو موټرسايکلونو پلورنځيو مالکانو ته د قانوني جواز اخيستو په اړه توصیه شوې وه.
