په ۱۵ ولایتونو کې څه باندې ۱۴۳۲ تنو ته حقوقي پوهاوی وړاندې شو
د عدلیې وزارت د حقوقي مرستو رياست، په مرکز او ولایتي امریتونو یې په ۱۴ نورو ولایتونو کې ۱۴۳۲ تنو ته د حقوقي پوهاوي ورکولو برنامې وړاندې کړي دي.
دا برنامې د ذوالحجې د میاشتې په ۲۹ او د محرم الحرام د مياشتې په ۱ نېټه د شنبې او یکشنبې په ورځو کې د مرکز په بلخ، بادغیس، غور، ننګرهار، پروان، خوست، سرپل، ميدان وردګ، لوګر، جوزجان، کندز، هرات و ارزګان ولايتونو کې وړاندې شوې او په ترڅ کې یې د عدلیې وزارت د پېژندنې، د اسلام او شریعت په رڼا کې د اولادونو روزنه، د هېوادوالو د حقوقو او مکلفیتونو او د ورته نورو مهمو موضوعاتو په اړه پوهاوی ورکړل شو.
د عدلیې وزارت د کابل په ګډون د هېواد په ټولو ولایتونو کې د حقوقي پوهاوي ورکولو برنامې جوړوي او موخه یې دا ده چې خلک په خپلو حقوقو پوه شي او د خپل ورځني ژوند د حقوقي ستونزو په لرې کولو کې ورڅخه ګټه پورته کړي.
