د غزني ولایت د عدلیې او د زندان رياستونو ترمنځ د همغږۍ ناسته جوړه شوه
![.](/sites/default/files/2024-07/ghzny_1.jpg)
د غزني ولایت د عدلیې رئيس مولوي مطیع الحق عثمان او له هغه سره مل پلاوي د ذوالحجې د مياشتې په ۲۷ مه نېټه د پنجشنبې په ورځ، د یاد ولایت د زندان له رئيس حافظ عبدالغني عادل سره وکتل او خبرې وکړې.
په یاده کتنه د غزني ولایت د عدلیې رییس د دواړه رياستونو ترمنځ پر لازياتې همکارۍ او همغږۍ باندې ټينګار وکړ او همدارنګه د یاد رياست د حقوقي مرستو آمریت، د شته یو لړ ستونزو د حل غوښتنه وکړه.
د غزني ولایت د زندان رئیس هم دغو دوو ریاستونو ترمنځ په لازیاتې همغږۍ او همکارۍ ټینګار وکړ او ژمنه یې وکړه چې د یادو ستونزو د حل په برخه کې به د یاد ولایت له عدلیې ریاست سره همکاري وکړي.