د هېواد د ۲۳ ولایتونو عدلیې رئیسان تبدیل شول
د عدلیې وزارت د وړاندیز او د اسلامي امارت د ریاست الوزراء عالي مقام منظورۍ په اساس، د هېواد د ۲۳ ولایتونو عدلیې رئیسان تبدیل شوي.
د دغه تصمیم په اساس یاد شوي د عدلیې رئیسان له یو ولایت څخه بل ولایت ته، خلکو لپاره د ګټورو او په وخت د لا زیاتو خدمتونو وړاندې کولو او د اسلامي امارت د پالیسۍ تطبیق په موخه تبدیل شوي دي.
په دې ترتیب سره مولوي عبدالرازق مرزوقي د سرپل عدلیې رئیس په حیث، مولوي عبدالوارث خلیل د نیمروز عدلیې رئیس په حیث، مولوي امرالله مصلح د جوزجان عدلیې رئیس په حیث، مولوي لاهورخان وفادار د کاپیسا عدلیې رئیس په حیث، قاري شکرالله احمد د پکتیکا عدلیې رئیس په حیث، مولوي حیاتالله امین د پروان عدلیې رئیس په حیث، شیخ عزیزالله سعیدي د بلخ عدلیې رئیس په حیث، مولوي عبدالدیان منیب د بدخشان عدلیې رئیس په حیث، مولوي عبدالله ارشاد د تخار عدلیې رئیس په حیث او مولوي محمد رییس محمدي د ننګرهار عدلیې رئیس په حیث تعیین شوي دي.
دغه راز مولوي محمد نظر فایق د سمنګان عدلیې رئیس په حیث، قاري فراحالدین محمدي د کندز عدلیې رئیس په حیث، مولوي عبدالقیوم حماد د فراه عدلیې رئیس په حیث، مولوي محمد یعقوب عاصم د زابل عدلیې رئیس په حیث، مولوي محمد ندیم معاذ د غور عدلیې رئیس په حیث، مولوي محمد ابراهیم سلطاني د بامیان عدلیې رئیس په حیث، مفتي کمالالدین فاضل د بادغیس عدلیې رئیس په حیث، مولوي روح الله روحاني د کنړ عدلیې رئیس په حیث او مفتي عبدالستار حماس د لغمان عدلیې رئیس په حیث تعیین شوي دي.
مولوي مطیع الحق عثمان هم د غزني عدلیې رئیس په حیث، مولوي عبدالقدیر عابد د خوست عدلیې رئیس په حیث او مولوي نورالهادي فتح الله د میدان وردک عدلیې رئیس په حیث تعیین شوي دي او ډېر ژر به خپل کارونه په اړوندو ریاستونو کې پیل کړي.
د عدلیې وزارت په مرکز او ولایتونو کې خلکو لپاره د ګټورو خدمتونو وړاندې کولو ته ژمن دی او دغو موخو ته د رسېدو په لار کې له هیڅ ډول هلوځلو څخه ډډه نه کوي.
د عدلیې وزارت رهبري د یادو ولایتونو عدلیې رئیسانو لپاره په خپلو کارونو کې د لوی څښتن تعالی له دربار څخه لازیات بریالیتوبونه غواړي.
