په ننګرهار ولايت کې دوه د لارښوونې دفترونه تړل کېدل
د ننګرهار ولایت د لارښوونې دفترونو څخه نظارتي کمېټې، د ذوالحجې د مياشتې په ۵ مه نېټه د چهارشنبې په ورځ د ياد ولایت د مرکز جلال آباد ښار په لومړۍ ناحيه کې د معاملاتو لارښوونې له یو شمېر دفترونو څخه نظارت ترسره کړ.
د نظارتي کمېټې د دغه نظارت او بررسۍ په پایله کې ، د معاملاتو لارښوونو دوه دفترونه د مالیې نه ورکولو له امله وتړل شو او د پاتې نورو د معاملاتو لارښوونو د دفترونو متصدیانو ته د شته نيمګړتياوې د اصلاح او د کاري چارو ښه پرمخ وړلو په اړه لازمې توصیې وشوې.
د ننګرهار ولایت د عدلیې رياست په مشرۍ د لارښوونې دفترونو څخه نظارتي کمېټه، په دوامداره توګه د یاد ولایت په کچه معاملاتو لارښوونو له دفترونو څخه نظارت ترسره کوي تر څو د غير قانوني فعالیتونو مخنيوي وشي.
