د لوګر ولایت په مرکز کې د خپلسرو تصرفاتو مخنیوی وشو
د لوګر ولایت د ځمکو د غصب د مخنیوي تخنیکي هیئت د ذوالقعدې د مياشتې په ۶ مه نېټه د چهارشنبې په ورځ د یاد ولایت په مرکز کې هوني سفلی ساحې ته سفر وکړ او په ترڅ کې یې په یاده سيمه کې پر امارتي ځمکو د یو شمېر خپلسرو تصرفاتو مخه ونيوله او تاسیسات یې ویجاړ کړل.
همدارنګه د یاد ولایت، تخنیکي هيئت د یوې ناسته په ترڅ کې، د مرکز اړوند التمور ساحه کې د یوې دښتې دوسیه هم تر بررسي لاندې ونیوله او پرېکړه یې وکړه چې په نږدې راتلونکې کې به یاده دښته له نږدې وګوري.
