د جوزجان ولایت د ځمکو د غصب د مخنیوي د تخنیکي هیئت ناسته جوړیدل
د جوزجان ولایت د ځمکو د غصب د مخنیوي د تخنیکي هیئت ناسته شوال د مياشتې په ۲۲ مه نېټه د چهارشنبې په ورځ د دغه هیئت د رئیس او غړو په حضور سره جوړه شوه.
په دغې ناسته کې، د یاد ولایت په بېلابېلو ساحو کي د کابو ۱۸۰۰ جریبه ځمکو د غصب اړوند یو شمېر دوسیې تر بحث او بررسۍ لاندې ونيول شوې.
د هئيت په دې ناسته کې د یاد ولایت په خانقاه ولسوالۍ کې ۱۲۲۸ جریبه امارتي ځمکه چې په علیلي وطني کلي کې د اشخاصو تر دعوا لاندې ده، تر بحث او بررسۍ لاندې ونيول شوه او د تخنيکي هيئت سکرتریت مسلکي غړو ته دنده وسپارل شوه، چې د یادې دوسیې په اړه څېړنې وکړي.
همدارنګه د جوزجان ولایت مرکز شبرغان ښار په لالاکوت کلي کې د ۴۷۰ جریبه امارتي ځمکې دوسیه تر هم تر بررسي لاندې ونيول شوه او د تخنيکي هيئت سکرتریت مسلکي غړو ته دنده وسپارل شوه، چې د مرکزي کمېسیون له لارښوونې سره سم د موضوع په تړاو اجراآت ترسره کړي او له خپلو اجراآتو څخه یاده هیئت ته ډاډ ورکړي.
