د پروان ولایت په روزنتون کې د حقوقي پوهاوي ورکولو برنامه جوړول
د پروان ولایت د عدلیې ریاست د حقوقي مساعدتونو آمریت د شوال د مياشتې په ۸ مه نېټه د چهارشنبې په ورځ د یاد ولایت د روزنتون زده کوونکو او ښوونکو ته د حقوقي پوهاوي ورکولو برنامه جوړه کړه.
په دغې برنامه کې د یاد ولایت د روزنتون سلو تنو زده کوونکو او یو شمېر ښوونکو ګډون درلود او د برنامې په ترڅ کې مسؤولينو د روزنتون زده کوونکي د علم زده کړې ته وهڅول او همدارنګه دوی ته یې د اخلاص او امانت دارۍ په اړه حقوقي پوهاوی وړاندې کړ.
د پروان ولایت د عدلیې ریاست د حقوقي مرستو آمریت وخت په وخت د یاد ولايت په بېلابېلو ساحو کې د حقوقي پوهاوي برنامې ترسره کوي او موخه یې دا ده چې خلک د خپلو حقوقو په اړه پوهاوی ترلاسه کړي.
