په کندز ولایت کې د ۱۵۶۷ جریبه امارتي ځمکې تثبیت او تشخیص
د کندز ولایت د ځمکو د غصب د مخنیوي د تخنیکي هيئت ناسته د روژې د مياشتې په ۲۲ مه نېټه د دوشنبې په ورځ د ياد هيئت د رئيس او غړو په ګډون سره جوړه شوه.
د تخنيکي هيئت په ناسته کې د ياد ولایت د قلعه ذال ولسوالۍ په شور آرق ساحه کې د ۱۰ جریبه ځمکې، په برزنګي ساحه کې د ۱ زرو ۵۶۷ جریبه ځمکې او په ياد ولایت کې د زورواکو د ملکيتونو او د هغوی څخه په امانت حساب کې د عوايدو راټولېدو په اړه بحث وشو.
یاد هئيت په برزنګي ساحه کې ۱ زره او ۵۶۷ جريبه ځمکې د متصرفينو د اعتراف په اساس امارتي تثبیت کړېه او په اړه یې لازم تصامیم ونیول.
همدارنګه له ناستې څخه وروسته تخنيکي هيئت د یاد ولایت چهاردرې ولسوالي ته سفر وکړ او هلته یې په خواجه کفتر ښارګوټي کې غصب شوې ځمکې تشخیص کړې.
