پکتیکا ولایت کې عریضه لیکونکو لپاره د زده کړه ییز سیمینار جوړول
د پکتیکا ولایت د عدلیې ریاست درې ورځنی زده کړه ییز سیمینار هغو عریضه لیکونکو لپاره چې په دغه ولایت کې فعالیت کوي، جوړ کړ.
په دې سیمینار کې عریضه لیکونکو ته د عریضه لیکنې د شرایطو او نورو مواردو په اړه لازمې لارښوونې وشوې او د سیمینار په پای کې له هغوی څخه ازموینه واخیستل شوه.
د پکتیکا ولایت د عدلیې رئیس مولوي حیات الله امین، د شعبان د میاشتې په ۹ نېټه د سه شنبې په ورځ د یادې ازموینې د پایلو د اعلام په مراسمو کې ټینګار وکړ هغه کسان چې د هغو عریضې د اصولو مطابق نه وي، د فعالیت او یا د عریضې پلورلو په صورت کې به له قانوني چلند سره مخ شي.
په دغو مراسمو کې د پکتیکا ولایت د محکمې رئیس هم حضور درلود او ویې ویل چې دغه سیمینار او ازموینه د عریضه لیکونکو د نمیګړتیاو لري کولو په موخه جوړ شو ترڅو هغوی ته لازمې لارښوونې وشي. د نوموړي په وینا، غیر معیاري عریضې په ادارو کې د ستونزو او د خلکو د سرګردانۍ سبب کیږي.
