د عریضه لیکنې د فعالیت د جواز له یو شمېر غوښتونکو څخه ازموینه واخیستل شوه
د اسلامي امارت د عدليې وزارت د خپلو مخکنیو ارزونو په دوام، د شعبان د میاشتې په ۹ نېټه د سه شنبې په ورځ د عریضه لیکنې د فعالیت د جواز له یو شمېر غوښتونکو څخه د ارزونې او د ازموینې اخیستو برنامه د دغه وزارت په مقر کې جوړه کړه.
په دغې برنامه کې چې د یاد وزارت د انسجام عمومي ریاست د معاملاتو لارښوونو او عریضه لیکونکو چارو ریاست له خوا جوړه شوې وه د عریضه لیکنې د فعالیت د جواز له ۱۶ تنو متقاضیانوڅخه ازموینه واخیستل شوه.
د عدلیې وزارت وړ کسانو ته د عریضه لیکنې د فعالیت جواز د ویشلو په منظور، وخت په وخت د عریضه لیکنې د جواز له غوښتونکو څخه په یاد وزارت کې ازموینه اخلي ترڅو وړ او با استعداده کسانو ته په اصولي او شفاف ډول جواز وویشل شي او د خلکو په کارونو کې هم آسانتیاوې رامنځته شي.
