په ننګرهار ولایت کې د خیریه بنسټونو له مسؤولینو سره د یاد ولایت د عدلیې رئیس کتنه
د ننګرهار ولایت عدلیې ریاست د رجب المرجب د میاشتې په ۲۲ نېټه د شنبې په ورځ په دغه ولایت کې د فعالو خیریه بنسټونو له مسؤولینو سره د هغمږۍ ناسته جوړه کړه.
په یاده ناسته کې د عدلیې رئیس مولوي فاتح الله فاتح، د انسجام آمریت مسؤولینو او د خیریه بنسټونو مسؤولینو حضور درلود او د عدلیې رئیس د جواز په اخیستو، د خیریه بنسټونو ترمنځ په همکارۍ او همغږۍ، عدلیې ریاست ته د راپور په وړاندې کولو، د لارښوونو په اطاعت او اوامرو ته په درناوي ټینګار وکړ.
د عدلیې رئیس وویل چې خیریه بنسټونو دې د خپلو اساسنامو مطابق فعالیت وکړي او بې وزلو وګړو ته د مرستو په رسولو کې توپیري چلند و نه کړي.
له بلې خوا د خیریه بنسټونو مسؤولینو هم ډاډ ورکړ چې د عدلیې ریاست او د نظام ټولې لارښوونې په بشپړه توګه رعایتوي. دغه راز هغوی خپلې یو شمېر ستونزې د عدلیې له ریاست سره شریکې کړې او د عدلیې رئیس د هغو د حل په برخه کې ډاډ ورکړ.
