د عدلیې وزارت د تقنین لوی ریاست د ۵ تشو بستونو د رقابتي ازموینې اخیستل
د اسلامي امارت د عدلیې وزارت د بشري سرچینو ریاست د جمادي الثاني د میاشتې په ۱۲ نېټه د سه شنبې په ورځ د یاد وزارت د تقنین لوی ریاست د تقنیني سندونو د ژباړې او د رسمي سندونو د تصدیق ریاست د ۵ تشو بستونو ازموینه د آزادې سیالۍ له لارې واخیسته.
په دغې ازموینې کې چې د عدليې وزارت په مقر کې جوړه شوې وه، د عدلیې وزارت د بشري سرچینو رئیس مولوي رحمت الله حلیم، او د تقنیني سندونو د ژباړې او د رسمي سندونو د تصدیق رئیس مفتي احمد الفجر او د یاد وزارت نورو مسؤولینو حضور درلود او د ازموینې له بهیر څخه يې څارنه وکړه.
د ازموینې په پیل کې د عدلیې وزارت د بشري سرچینو رئیس د ازموینې د ډول او د پوښتنو د څرنګوالي په اړه معلومات ورکړل او ګډونوالو ته یې د ازموینې د پروسې له روڼتیا څخه ډاډ ورکړ.
په دغې ازموینې کې د ګډون لپاره ۲۸ تنه په شرایطو برابر پېژندل شوي وو او د هغوی له جملې څخه ۲۷ تنو په ازموینه کې ګډون وکړ او د یادو بستونو ترلاسه کولو په موخه یې په خپلو کې رقابت وکړ.
