د زابل ولایت د علماو د شورا له مرستیال او غړو سره د یاد ولایت د عدلیې رئیس کتنه
د زابل ولایت د عدلیې رئیس الحاج مولوي عبدالوارث خلیل د ربیع الثاني د میاشتې په ۲۹ نېټې د دوشنبې په ورځ د زابل ولایت د علماو د شورا له رئیس شیخ مولوي عزیزالله طیب او د دغه شورا له غړو سره د عدلیې ریاست په مقر کې وکتل او خبرې وکړې.
په دغې ناسته کې، د زابل ولایت د عدلیې رئیس د یاد ولایت د علماو د شورا مرستیال او غړو ته ښه راغلاست وویل او هغوی ته یې د دغه ریاست د کارونو او فعالیتونو په اړه معلومات ورکړل.
د زابل ولایت د علماو شورا مرستیال هم د دغې شورا د دندو او مسؤلیتونو په اړه معلومات ورکړل ویې ویل چې دغه شورا په یاد ولایت کې د ټولو امارتي ادارو د پلټنې او د اسلامي امارت له مقاماتو سره د هغو د ستونزو د شریکولو مسؤلیت په غاړه لري. نوموړو د عدلیې ریاست له بېلابېلو برخو او فعالیتونو څخه لیدنه او نظارت ترسره کړ او د عدلیې ریاست له کارمندانو څخه یې وغوښتل چې خپلې ستونزې په لیکل شوي ډول له هغوی سره شریکې کړي ترڅو یې د اسلامي امارت له مقام سره شریکې کړي.
