په کابل ښار کې د ۷ غیرقانوني خیریه بنسټونو د فعالیت مخه ونیول شوه
د عدلیې وزارت د ټولنو او ټولنیزو بنسټونو د چارو ریاست نظارتي هیئت په کابل ښار کې له ۹ اتحادیو او ۱۳ خیریه بنسټونو څخه بررسي او نظارت ترسره کړ.
یاد شوي هیئت په دغې بررسۍ سره، ۷ خیریه بنسټونه چې په غیرقانوني ډول جوړ او په خپل سر ډول یې فعالیت ترسره کاوه، وپېژندل او د هغو له غیرقانوني فعالیت څخه مخنیوی وشو.
هیئت د یادو بنسټونو متصدیانو ته توصیه وکړه چې خپل خیریه بنسټونه رسمي کړي او هغو لپاره جواز ترلاسه کړي او په راتلونکې کې د غیرقانوني فعالیت څخه ډډه وکړي.
د عدلیې وزارت د ټولنو او د ټولنیزو چارو د ریاست نظارتي هیئت په دوامداره توګه د اتحادیو او د خیریه بنسټونو له فعالیت څخه بررسي او نظارت ترسره کوي ترڅو د هغو له غیر قانوني فعالیت څخه مخنیوی وکړي.
