د عدلیې وزارت د ۵ تشو بستونو له غوښتونکو څخه د آزموینې اخیستل
د اسلامي امارت د عدليې وزارت د بشري سرچینو ریاست د صفرالمظفر د میاشتې په ۲۴ نېټې د یکشنبې په ورځ د یاد وزارت د ۵ تشو بستونو له نوماندانو څخه د آزموینې اخیستلو برنامه جوړه کړه.
په دغې برنامې کې د عدليې وزارت د بشري سرچینو رئیس مولوي رحمت الله حلیم او د یاد وزارت د بشري سرچینو د ریاست او د داخلي پلټنې د ریاست نورو مسؤلینو برخه واخیسته او د آزموینې له بهیر څخه یې څارنه وکړه.
د یادې برنامې په پيل کې د عدلیې وزارت د بشري سرچینو رئیس د موضوع په تړاو خبرې وکړې او د آزموینې د ډول په اړه یې معلومات وړاندې کړل او ګډونوالو ته یې د دغې آزموینې په ټولو پړاونو کې له بشپړې روڼتیا څخه ډاډ ورکړ.
په یادو شويو بستونو کې د څلورمې رتبې ۵ بستونه شامل دي چې له هغو څخه ۳ بستونو د ټولنو د چارو د ریاست اړوند او ۲ نور بستونه د دغه وزارت د داخلي پلټنې د ریاست اړوند دي. د دغو بستونو ترلاسه کولو لپاره ۱۵۳ تنو فورمې اخیستې وې چې له هغوی څخه ۱۳۵ تنه شارت لست شوي او د هغوی ۱۱۰ تنو په دغې آزموینه کې برخه واخیسته.
