د جوزجان ولایت د ځمکو د غصب د مخنیوي د تخنیکي هیئت ناسته جوړه شوه
د جوزجان ولایت د ځمکو د غصب د مخنیوي د تخنیکي هیئت ناسته د ذوالحجې د میاشتې په ۱۷ نېټه د چهارشنبې په ورځ د دغه هیئت د رئیس او غړو په حضور سره جوړه شوه او د جوزجان د مرکز په سلمان دښته کې د عامه مرعی ساحې راپور مطالعه او تائید شو او ټاکل شوې ده چې دغه راپور مرکزي کمېسیون ته واستول شي.
دغه راز په یاده ناسته کې، په خواجه دوکوه ولسوالۍ کې د ښوونې ادارې اړوند د امارتي غصب شویو ځمکو ورقې او د عامه څړځای پر ځمکو د اشخاصو د دعوا دوسیې بررسي شوې او دغې برخه کې لازم تصمیمونه ونیول شول او د ښوونې ریاست د غصب شویو ځمکو په اړه هم پریکړه وشوه چې هیئت راتلونکې اوونۍ خواجه دوکوه ولسوالۍ ته ولاړ شي او ساحې له نږدې څخه بررسي کړي.
په دغې ناسته کې پر بېلابېلو ساحو او کلیو د موظف ټیمونو د څېړنو راپور هم وړاندې شو او مسؤلینو ته د چارو د چټکتیا په برخه کې لازمې لارښوونې وشوې.
