د بدخشان ولایت د ځمکو د غصب د مخنیوي د تخنیکي هیئت ناسته جوړه شوه
د بدخشان ولایت د ځمکو د غصب د مخنیوي د تخنیکي هیئت ناسته د ذوالحجې د میاشتې په ۱۷ نېټه د چهارشنبې په ورځ د دغه هیئت د رئیس او غړو په حضور سره جوړه شوه او په ارګو ولسوالۍ کې د کرنې د ریاست د ۱۲ جریبه او ۱۶ بسوې ځمکې د ملکیت بررسۍ او تثبیت راپور په کې وړاندې شو.
په دغې ناسته کې، د حلقه جر کلي دوسیې د تشو او نیمګړتیاو په اړه بحث وشو او پریکړه وشوه چې هیئت راتلونکې اوونۍ ساحې ته ولاړ شي. دغه راز د لعل بدخشان څېړنیز فارم د ۱۴۴ جریبه ځمکې دوسيې په اړه هم چې د نیمګړتیاو له کبله مسترد شوې وه، بحث وشو او پریکړه وشوه چې نیمګړتیاوې بشپړې او بیاځل مرکزي کمېسیون ته واستول شي.
په همدې توګه په یاده ناسته کې، د شیوې دښتې څړځایونو د استرداد په اړه چې وړاندې سروې او تثبیت شوي، بحث وشو او پریکړه وشوه چې راتلونکې اوونۍ هیئت ساحې ته ولاړ شي او څړځای د غاصبینو له منګلو څخه آزاد کړي.
