د مس عینک کان له ځینو ساحو څخه د لوګر ولایت د ځمکو د غصب د مخنیوي تخنیکي هیئت لیدنه
د لوګر ولایت د ځمکو د غصب د مخنیوي تخنیکي هیئت د ذوالحجې د میاشتې په ۴ نېټه د پنجشنبې په ورځ د محمد آغې ولسوالۍ مس عینک کان ته سفر وکړ.
د دغه سفر موخه، د یادې ساحې په ۹ کلیو کې د ریاست الوزرا د حکم په اساس د هغو کورونو او تاسیساتو د زیانونو جبرانول او د زمیندارانو اړوند ځمکو بیې ټاکل وو چې شرعي سندونه لري.
هیئت له ۹ یاد شوو کلیو څخه لیدنه وکړه او اوسیدونکو له پاره يې معلوماتي استعلامونه وویشل ترڅو د هغې دوسیه له بشپړیدلو څخه وروسته مرکزي کمېسیون ته واستول شي
