د ننګرهار ولایت د ځمکو د غصب د مخنیوي د تخنیکي هیئت له رئيس سره د عدليې وزارت د سرپرست کتنه
د ننګرهار ولایت د ځمکو د غصب د مخنیوي د تخنیکي هیئت رئیس مولوي عبدالستار محمد او د یاد ولایت د عدلیې ریاست د امارت د قضایاو آمر مولوي سید محمد مؤمن، د ذوالحجې د میاشتې په ۶ نېټه د شنبې په ورځ د عدليې وزارت سرپرست او د ځمکو د غصب د مخنیوي او د غصب شویو ځمکو د استرداد کمېسیون له رئیس شیخ الحدیث مولوي عبدالحکیم شرعي سره وکتل او خبرې ورسره وکړې.
په دغې کتنه کې چې د عدلیې وزارت په مقر کې ترسره شوه، د ننګرهار ولایت د تخنیکي هیئت رئیس په دغه ولایت کې د امارتي ځمکو د غصب د مخنیوي په برخه کې موجودې ستونزې او ننګونې د عدليې وزارت له سرپرست سره شریکې کړې او له نوموړي څخه په دغې برخه کې د همکارۍ غوښتونکی شو.
په دغې کتنه کې، د عدليې وزارت سرپرست د ننګرهار ولایت د ځمکو د غصب د مخنیوي په برخه کې یو لړ لارښوونې هغوی ته صادر کړې او د هغوی د ستونزو د حل په برخه کې، له هغوی سره د هر راز همکارۍ ژمنه وکړه.
د ننګرهار ولایت د ځمکو د غصب د مخنیوي تخنیکي هیئت هم ژمنه وکړه چې د ورکړل شویو لارښوونو د تعمیل په برخه کې به له هیڅ راز هلو ځلو څخه ډډه و نه کړي.
