د عدليې وزارت د مرکزي رئیسانو د اداري ناستې جوړیدل
د اسلامي امارت د عدليې وزارت د مرکزي رئیسانو اداري ناسته د ۱۴۴۴ هـ.ق کال د ذوالحجې د میاشتې په ۳ نېټه د چهارشنبې په ورځ د مسلکي معین شیخ الحدیث مولوي عبدالکریم حیدر په مشرۍ او د یاد وزارت د مرکزي رئیسانو او نورو مقاماتو په ګډون جوړه شوه.
په دغې ناسته کې، د مرکزي ریاستونو د کړنلارو، د کلني راپو جوړولو او ولایتونو کې د حقوقي مرستندویانو د لګښتونو په اړه بحث وشو او پریکړه وشوه چې پاتي مرکزي ریاستونه خپل کړنلارې ژر تر ژره بشپړې کړي او د هغو وروستۍ مسوده راتلونکې ناسته کې وړاندې کړي. د کلني راپور جوړولو او وړاندې کولو په اړه هم د دغه وزارت مرکزي رئیسانو ته لازمې لارښوونې وشوې.
دغه راز په یاده ناسته کې د انسجام لوی رئیس مولوي رحمت الله حقاني په مشرۍ او د مدافع وکیلانو، د حقوقي مرستندویانو، د بشري سرچینو او د مالي او اداري رئیسانو په غړیتوب یوه کمېټه تعیین شو ترڅو په ولایتونو کې د حقوقي مرستندویانو ستونزو ته رسیدګي وکړي.
