د خوست ولایت له ځینو ساحو څخه د یاد ولایت د ځمکو د غصب د مخنیوي د تخنیکي هیئت لیدنه
د خوست ولایت د ځمکو د غصب د مخنیوي د تخنیکي هیئت ناسته د ذوالحجې د میاشتې په ۱ نېټه د دوشنبي په ورځ د هیئت د رئیس او غړو په حضور سره جوړه شوه.
یاد هیئت په دوو ګروپونو وویشل شو او لومړي ګروپ له یو شمېر اشخاصو او افرادو سره د هغوی اړوندو موضوعاتو په تړاو د کرنې په ریاست کې خبرې وکړې او یو شمېر دوسیې هم ترتیب کړې.
د دغه هیئت دوه یم ګروپ د یاد ولایت د اسماعیل خیل ولسوالۍ للمي ساحې ته ولاړ او د یادې ساحې په ۸ موقعیتونو کې پر امارتي ځمکو له جوړو شويو کلاګانو او کورونو څخه لیدنه وکړه. یاد تاسیسات اوس د طبیعي طوفان له کبله ویجاړ شوي او هيئت په ساحه کې نوي تصرفات په مطلق ډول منع کړل
په دغې ولسوالۍ کې د یو بل شخص ځمکه هم ولیدل شوه او بررسي شوه چې دغې برخه کې به لازم تصمیم ونیول شي.
تخنیکي هیئت له ساحو څخه له راستنیدلو وروسته هم له یو شمېر افرادو او اشخاصو سره وکتل او د هغوی د موضوعاتو په اړه له هغوی سره خبرې وکړې.
