د خوست ولایت له یو شمېر اوسیدونکو سره د یاد ولایت د ځمکو د غصب د مخنیوي د تخنیکي هیئت کتنه
د خوست ولایت د ځمکو د غصب د مخنیوي د تخنیکي هیئت ناسته د ذوالقعدې د میاشتې په ۲۲ نېټه د یکشنبې په ورځ د هیئت د رئیس او غړو په حضور سره جوړه شوه.
په دغې ناسته کې، یاد شوي هیئت د ګربزو ولسوالۍ، د صبري یعقوبي ولسوالۍ، کاروان سرای ساحې، غړومبۍ ساحې، لټګو ساحې، وچ خوړ، د شیرین جمال ساحې او د باک ولسوالۍ د کوچیانو او یو شمېر نورو اشخاصو سره د هغوی د موضوعاتو په اړه بحث وکړ او دغې برخه کې لازم تصمیمونه ونیول.
دغه راز یاد شوي هیئت له ځینو قومي مشرانو او نورو اشخاصو سره هم د هغوی اړوند موضوعاتو په اړه بحث وکړ او دغې برخه کې لازم تصمیمونه ونیول.
له دغه هیئت څخه یو ګروپ له ناستې څخه وروسته د اسماعیل ولسوالۍ د ورزي ساحې ته ولاړ او دغې ساحه کې له بېلابېلو امارتي املاکو څخه څارنه وکړه. د دغه هیئت بل ګروپ هم اړوند سندونه او دوسیې د کرنې په ریاست کې بررسي کړې.
