د لغمان ولایت د ځمکو د غصب د مخنیوي د تخنیکي هیئت ناسته جوړه شوه
![.](/sites/default/files/2023-05/lghman1_0.jpg)
د لغمان ولایت د ځمکو د غصب د مخنیوي د تخنیکي هیئت ناسته، د ذوالقعدې د میاشتې په ۸ نېټه د یکشنبې په ورځ د دغه هیئت د رئیس او غړو په حضور سره جوړه شوه او د ښوونځیو او د ښوونې د ریاست د معلمینو د ښارګوټي غصب شویو ځمکو په اړه بحث وشو او د ښوونې د ریاست له استازي څخه وغوښتل شول چې د دغه ریاست د ملکیتونو په اړه معلومات له جوړې شوې فورمې سره سم، د دغه هیئت په واک کې ورکړي.
په دغې ناسته کې، د قرغه یي ولسوالۍ په عبدالرحیمزي ساحې کې د ۶۰۰ جریبه ځمکې اجاره دار د عریضې په اړه بحث وشو. هیئت د ځمکې له اجاره دار او هغو کسانو سره چې ساحه کې د نوموړي د کار خنډ ګرځي، وکتل او د هغوی خبرې یې واوریدلې. هیئت پریکړه وکړه چې له نږدې څخه ساحه ولیدل او بررسي شي.
یاد شوي هیئت د درونټې ډنډ کاسې ته نږدې د ۱۰۰ جریبه ځمکې اجاره دار عریضې چې یو شخص د نوموړي د کار خنډ ګرځي، بررسي کړه. هیئت له عارض شخص سره هم وکتل او د نوموړي خبرې یې واوریدلې او پریکړه یې وکړه چې د نوموړي مقابل لوری هم د قرغه یي ولسوالۍ د امنیې قوماندانۍ له خوا احضار شي او په اړه یې لازم تصمیم ونیول شي.
تخنیکي هیئت پړوايي ساحه کې د الکوزیو قوم دعوا په اړه چې د عامه مرعی ځمکې د غصب دعوا پرې شوې، وکتل او هغوی ته یې وویل چې د سترې محکمې د لارښوونې پر اساس د خاصې مرعی د دوسیو بررسي تر ثاني امر پورې ځنډول شوې ده.