د هرات ولایت د ځمکو د غصب د مخنیوي د تخنیکي هیئت ناسته جوړه شوه
د هرات ولایت د ځمکو د غصب د مخنیوي د تخنیکي هیئت ناسته د ذوالقعدې میاشت په ۴ نېټه د چهار شنبې په ورځ د هیئت د رئیس او غړو په حضور سره جوړه شوه او په کې د میرمنې دښتې او د جغرات کاریز (میهن ښارګوټی) د املاکو راپورونه چې بشپړ شوي، د تایید وړ وګرځیدل او ټاکل شوې چې مرکزي کمېسیون ته واستول شي.
په دغې ناسته کې، ګازرګاه شریف دښته کې د استخباراتو ریاست او یو شمېر افرادو ترمنځ موضوع بررسي شوه او د استخباراتو استازي لازم معلومات وړاندې کړل. دغه راز پشتون زرغون ولسوالۍ کې د حبلان کاریز موضوع وروستۍ شوه او پریکړه وشوه چې راپور یې اړونده مرجع ته واستول شي.
په دغې ناسته کې، د پهلوان پیري ساحې راپور بحث او بررسۍ لاندې ونیول شو او پریکړه وشوه چې نیمګړتیاوي یې بشپړې شي او د یو شمېر نورو ساحو په اړه هم پریکړه وشوه چې هیئت له نقشې او املاکي سندونه سره ساحې ته ولاړ شي او هغه ساحات هر اړخیز ډول بررسي کړي.
