د پکتیا ولایت د ځمکو د غصب د مخنیوي د تخنیکي هیئت د ناستې جوړیدل
د پکتیا ولایت د ځمکو د غصب د مخنیوي د تخنیکي هیئت ناسته د شوال میاشت په ۲۵ نېټه د دوشنبې په ورځ د یاد هیئت رئیس او غړو په حضور سره جوړه شوه.
په دغې ناسته کې یاد شوي هیئت پریکړه وکړه چې شیخان او رباط ساحه کې د خلکو تصرف لاندې د مدعی بها ځمکې کروکي واخیستل شي او د هغوی عریضو ته د رسیدګۍ له پاره منظم پلان جوړ شي. دغه راز پریکړه وشوه چې د مکاوي او سلیمانزیو په ساحو کې املاکي څېړنې ترسره شي.
یاد شوي هیئت د شیخان او خواجه حسن قومونو له استازو سره وکتل او هغوی ته یې د هیئت مسوولیتونو او د امارتي شکمنو ځمکو له تصرف څخه د مخنیوي په اړه معلومات ورکړل. په همدې توګه هیئت د هغوی معلومات او ستونزې واوریدلې او پر ځمکو يې د املاکي څېړنو بهیر هغوی له پاره تشریح کړ.
