د لغمان ولایت د ځمکو د غصب د مخنیوي د تخنیکي هیئت د ناستې جوړیدل
د لغمان ولایت د ځمکو د غصب د مخنیوي د تخنیکي هیئت ناسته د شوال میاشت په ۱۹ نېټه د سه شنبې په ورځ د دغه هیئت د رئیس او غړو په حضور سره جوړه شوه او هیئت د قرغه يي ولسوالۍ له ځینو ساحو څخه هم لیدنه وکړه او د یو شمېر متصرفینو سندونو ته يې له ساحې سره مطابقت ورکړ.
هيئت د زرغونډۍ په نوم د تاریخي آبدې د ځمکې په اړه چې دهزیارت خلکو لخوا غصب شوې بحث وکړ او د اطلاعاتو او فرهنګ ریاست استازي ته یې لازمې لارښوونې وکړي.
په دغې ناسته کې، یو ګډ پلاوی هم تعیین شو ترڅو د لغمان د مرکز په ختیځ شهرنو کې د پارک او استوګنې نمرې د دوو تنو ترمنځ شخړه حل کړي او مدعی بها ځمکه تثبیت او تشخیص کړي.
یاد هیئت له غونډې څخه وروسته قرغه يي ولسوالۍ ته سفر وکړ او د یو شخص اړوند د لوړپوړیزې ودانې او شنې ساحې ځمکه تثبیت او تشخیص کړه او دغه شخص ته یې لازمې لارښوونې وکړې. وروسته هیئت د مرکزي کمېسیون له لارښوونې سره سم په ساحه کې د متصرفینو د سندونو د تطبیق په منظور د دغې ولسوالۍ سرخکان او کاکڅ ساحو ته ولاړ او په سرخکان کې د ۱۷۵ جریبه امارتي ځمکه متصرفین او کاکڅ کې د ۲۸۰.۱۲ جریبه ځمکې متصرفین یې وغوښتل او له هغوی څخه یې شرعي او قانوني سندونه وغوښتل.
